|
|
Pam
Gorymdaith?
- Mae angen noddwyr
ar yr Orymdaith. Os ydych yn fusnes lleol mae hwn yn gyfle euraidd i
chi hysbysebu neu hyrwyddo eich busnes drwy Gymru gyfan. Fe fydd miloedd
yn mynychu yr achlysur cyntaf ac yn y dyfodol fe fydd yn tyfu i fod
yn un o'r achlysuron mwyaf yng Nghymru. Fe fydd y noddwyr sydd yn ymuno
gyda ni o'r dechrau yn cael eu gwobrwyo am eu cefnogath a'u ffyddlondeb.
- Os am wneud cyfraniad
i gronfa y gorymdaith, cysylltwch gyda ni.
- Byddwch yn rhan
o'r achlysur, i roi cymorth i ni godi arian ar gyfer y gronfa mewn rhinwedd
swyddogol, cysylltwch gyda ni.
Fe fydd y safle yma
yn newid yn rheolaidd cyn y dydd ei hun-gwenewch yn siwr eich bod yn edrych
am newidiadau o dro i dro.
Ymdaith Dydd Gŵyl
Dewi?
- Drwy'r byd i gyd
gwelir pobl yn ymuno gyda'i gilydd i ddathlu diwrnod eu nawdd sant.
Nid oes esiampl gwell na'r Gwyddelod ar Ddydd Gŵyl
Sant Padrig; boed yn Nulyn, Birmingham neu Chicago, gwelir Gwyddelod,
o bob lliw a llun yn ymuno i ganu, i ddawnsio, ac i yfed cwrw gwyrdd!
I ddechrau pob dathliad o Ddydd Gwyl Sant Padrig mae'n rhaid cael pared neu gorymdaith. Rydym ni am greu
achlysur i ddathlu ein nawdd sant sydd yn creu yr un cynnwrf a syniad
o wladgarwch ac y mae Dydd Gŵyl Sant Padrig
yn ei roi i Iwerddon.
- Fe fydd Gorymdaith
Dewi Sant yn agored i bawb, ac yn achlysur Cymreig i bawb. Cyfle i bobl
Cymru, beth bynnag eu oedran, cefndir ethnig neu cefndir cymdeithasol,
i bobl o dras Cymreig (neu y rhai sydd am fod yn Gymry!) i ymuno mewn
dathliad creadigol ac urddasol o ddiwylliant a threftadaeth Cymru. Dathlu
o beth mae'n ei olygu i fod yn Gymry.
- I drawsnewid y
canfyddiad o Ddydd Gŵyl Dewi i fod yn ddiwrnod
cenedlaethol Cymru drwy'r byd i gyd, yn yr un modd a wnaeth y Gwyddelod
gyda Dydd St Padrig. Bydd hwn yn achlysur i dangos balchder yn ein Cymreictod.
Syniadau newydd, egni newydd, golwg newydd ar Gymru.
- I helpu godi proffeil
Cymru yn y byd. Yn 2003 roedd yr Empire State Building yn Efrog Newydd
wedi ei oleuo yn goch, gwyn a gwyrdd i ddathlu Dydd Gŵyl
Dewi, ond beth oedd ganddom ni yn ein prifddinas? Mae'n rhaid i ni ddangos
Cymru i'r byd.
- I ddatblygu yr
achlysur i fod yn un blynyddol, yn ganolbwynt i'r celfyddydau ac i ddiwylliant,
ond eto yn achlysur agored heb fod yn ffroenuchel.
Pam
Caerdydd?
Caerdydd yw ein prif
ddinas a'r ddinas fwyaf yng Nghymru; does yr un man yn fwy addas i gael
gorymdaith o Gymreictod. Fydd achlysur o'r fath yn rhoi hwb economaidd
i'r ddinas, ac yn annog mwy o ymwelwyr i'r ddinas ac i'n cenedl. Ein gobaith
yw bydd trefi a dinasoedd arall yn ymuno gyda ni i greu digwyddiadau tebyg
yn y dyfodol.
Arwyddocad
Dydd Gŵyl Dewi
Ers canrifoedd mae'r
cyntaf o Fawrth wedi bod yn wyl genedlaethol; yn draddodiadol mae'r cyntaf
o Fawrth 589 AD yn cael ei gofio fel dyddiad marwolaeth Dewi Sant. Cafodd
Dewi ei wneud yn nawdd sant i ni yng Nghymru bron i fil o flynyddoedd
yn ol yn ystod uchafbwynt rhyfel y Cymry yn erbyn byddinoedd Edward y
Cyntaf. Heddiw mae pawb sydd a chysylltiadau Cymreig yn ei dathlu ar y
cyntaf o Fawrth; llynedd yn yr Unol Daleithiau cafodd Dydd Gwyl Dewi ei
adnabod yn swyddogol fel diwrnod cenedlaethol y Cymry, ac ar y cyntaf
o Fawrth cafodd yr 'Empire State Building' eu oleuo yn lliwiau baner Cymru.
Mae cymdeithasau Cymreig drwy'r byd o Batagonia i Siberia yn dathlu drwy gynnal ciniawau, partion
a chyngerddau. Dyma'r diwrnod lle yr ydym yn gwisgo cenhinen neu cenhinen
Bedr (y draddodiad yn mynd yn ol i'r Canol Oesoedd, pan benderfynodd byddin Cymru
i wahaniaethu eu hun o'i gelyn drwy wisgo cennin ar eu capiau).
Mae Dewi Sant yn arwr
sydd uwchlaw gwleidyddiaeth a ddadlau dibwys, yn symbol o garedigrwydd
mewn byd hunanol, yn symbol o Gymreictod i uno'r Cymry. Yn Yr Armes Prydain,
epig a ysgrifennwyd dros fil o flynyddoedd yn ol fedr gweld y proffwydoliaeth
o'r Cymry yn uno tu ol i Dewi Sant fel eu arweinydd:
'A
lluman glân Dewi a ddyrchafant'
Dewi
Sant
Pwy oedd Dewi Sant?
Ganwyd Dewi Sant tuag
at ddiwedd y bumed ganrif, llai na chant o flynyddoedd wedi i'r olaf o
lengoed Rhufain adael Cymru. Tad Dewi oedd Sant, etifedd teulu brenhinol
Ceredigion, a'i
fam oedd Non, merch i Gynyr o Caio, enw sydd yn cael ei gofio mewn nifer
o eglwysydd a ffynhonau sanctaidd yng Nghymru, Cernyw a Llydaw. Cafodd
Dewi ei addysg yn Henfynyw yng Ngheredigion, lle ddysgodd y wyddor, y
salmau a'r llithoedd ar gyfer y flwyddyn eglwysig. Sylfaenodd gymdeithas
mynachaidd Geltaidd yng Nglyn Rhosyn, ar arfordir gorllewinol Sir Benfro,
yn y man lle sefir Eglwys Gadeiriol Tyddewi heddiw. Mae'n bosib i'r safle
fod yn gartref i gymuned crefyddol gynnar iawn. Mae Sant Padrig hefyd
yn gysylltiedig gyda'r safle, gannwyd Sant Padrig yn Ne Cymru, a dywedyd
iddo dreulio ychydig o amser yng Nglyn Rhosyn cyn hwylio i Iwerddon o
Borth Mawr.
Tyfodd enwogrwydd
Dewi fel athro drwy'r byd Geltaidd. Roedd Dewi yn byw bywyd llym, fel
pob mynach Celtaidd arall - yn wir cafodd y llysenw Dewi Ddyfrwr. Mae yna
nifer fawr o chwedlau yn ymwneud a Dewi. Efallai mai'r enwocaf yw y bregeth
yn Llanddewi Brefi yng Ngheredigion, pan yn annerch y dorf enfawr fe gododd
y tir o dan ei draed er mwyn bod pawb yn gallu clywed ef yn siarad. Dywedid
i golomen pig-aur lanio ar ei ysgwydd fel symbol o'i sancteiddrwydd.
Daeth y sefydliad
yng Nglyn Rhosyn yn un o'r mannau cysegredig mwyaf pwysig yn y byd Cristnogol,
ac yn sicr yr un fwyaf pwysig yng Nghymru: roedd llwybrau a heolydd drwy
Gymru gyfan yn arwain tuag ato, ac yn y canol oesoedd roedd dau bererindod
i Tyddewi yn cyfateb i un pererindod i Rhufain.
Felly daeth Glyn Rhosyn yn ganolbwynt i ddyheadau
crefyddol y genedl Gymreig a fel ysgrifennodd Gerallt Gymro (Giraldus
Cambrensis): 'Fe ddaeth Esgobaeth Tyddewi …yn symbol o annibyniaeth Cymru…a
dyna paham y dyrchafwyd Dewi ei hun i fod yn Nawdd sant Cymru.'
Mae Mawrth y cyntaf
wedi ei gofnodi fel dyddiad marwolaeth Dewi Sant, ond mae yna ansicrwydd
ynglyn a'r flwyddyn - mae 589 yn bosibilrwydd. Wrth i'r mynachod yn Nglyn
Rhosyn baratoi ar gyfer ei farwolaeth, dywedodd Dewi wrthynt: 'Frodyr
a chwiorydd, byddwch lawen a gwnewch y pethau bychain a welsoch ac a glywsoch
gennyf fi.'
Pryd
a Ble?
Fe fydd yr orymdaith
yn cael ei gynnal ar yr cyntaf o Fis Mawrth, ar Ddydd Gwyl Dewi. Fe fydd
yr orymdaith yn gadael Yr Amguedfa Genedlaethol am 1.0
o'r gloch ar Dydd Sul, Mawrth y 1af, ac fe fydd y llwybr yn mynd drwy ganol Caerdydd ac wedyn lawr i'r Senedd yn y Bae. Gweler y map.
Ymunwch
yn y Gorymdaith fel unigolyn neu fel rhan o grwp. Os oes gennych fand,
cor neu grwp dawns, mae croeso arbennig i chi ymuno.
Noddwyr
Mae achlysur fel
hon yn cymryd amser ac arian. Rydym yn ddiolchgar am unrhyw gymorth ariannol
neu nawdd. I helpu gyda rhodd, neu i fod yn noddwr fusnes cliciwch
yma
Cwestiwn
ac ateb
C: Sut ydw i'n cymryd
rhan?
A: Cliciwch ar cysylltwch a ni, uchod, a rhowch wybod i ni. Os ydych yn
rhan o: Grwp Cerddoriaeth, Band, Grwp Dawns, Cor, Cymdeithas Canol Oesoedd neu am greu fflôt, cysylltwch a ni heb oedi.
C: Sut ydw i'n cyrraedd
y gorymdaith?
A: Os ydych am gymryd rhan, fydd rhaid i chi gyrraedd yr Amgueddfa Genedlaethol erbyn 12.45 o'r gloch ar gyfer y Seremoni Agoriadol.
C: Ydy'r dydd yn dod
i ben gyda diwedd y gorymdaith?
A: NA! Fydd nifer o ddigwyddiadau arall i ddathlu'r wyl yn cymryd lle
lawr y Bae ac yn y nos.
|
|
